羊羊諗：前後都有六年勒！
六年嚟，每一次嘅九月一日都係一個新學年嘅開始，
要有好多嘢做，要準備，由小學到中學，感覺都好唔同～

聽日，又係一個新嘅九月一日，離開咗嘅羊羊唔需要再好似以前咁，生活有所不同了

前晚發夢，夢見啲學生，原來羊羊最掛住嘅係佢地～
無論係小學生，中學生，佢地都有種幹勁，青春無限嘛～
小學生天真無邪，仲有好香嘅牛奶味架（只限小一至小三~_~），
中學生精力聰沛，勇於嘗試，不怕失敗～
（呢個就係羊羊超鍾意小朋友嘅原因^3^）

以前每一日見到佢地就好開心，因為喺佢地身上學到好多嘢！
會記起以前羊羊讀書時都係咁架啦！有時人大咗真係會忘記以前～
點解依家跌倒，以前就會咁易就起返身呢，其實唔係易架，只不過人大咗心態變咗！
點解以前得，依家我唔得呀！
由小學到中學，羊羊都試過衰過，瘀過～
點解長大了，喺社會到，就唔可以經起考驗呀？
只要同自己講羊羊一定得嘅，咁就得架勒．．．
盡管再次失敗，又如何，喺邊到跌倒，就要喺邊到爬返起身～～～

聽日，九月一日，羊羊要努力為自己嘅目標進發～～加油！加油！
羊係超級撒雅羊！！！越戰越強！！！